Prokuroria heton zyrtarët e lartë të Ministrisë së Brendshme, firmosën fituesit e tenderit të uniformave

Një nga zv/ministrat e brendshëm, sekretari i përgjithshëm i ministrisë dhe disa punonjës të këtij institucioni, janë firmtarët që shpallën fitues të tenderit të uniformave kompaninë shqiptaro-turke.

ABC News, ka mësuar se anëtarë të komisionit të vlerësimit të ofertave kanë qenë zyrtarët e lartë të MInistrisë së Brendshme, të cilët kanë shpall fitues kompanin shqiptaro turke Marsi & AL” dhe “Yakupoglu Tekstil”, tashmë të marr nën hetim nga prokuroria.

Burimet thonë, se komisioni edhe pse kishte si kriter të vecantë çertifikatën e cilësisë, e shpalli fitues kompanin shqiptaro-turke pa depozituar këtë shkresë. Nuk dihet cila ka qenë arsye që ka shtyrë anëtarët e komisionit, të shpallin fitues këtë kompani pa plotësuar të gjitha kriterët e parashikuara. Të gjithë këta zyrtar, thanë burimet e akuzës, do të thirren në prokurori për të dhënë shpjegime për të gjithë procedurën e ndjekur.

Nga ana tjetër, prokuroria ka sekeustruar në ministrin e brendshme të gjithë praktikën e ndjekur nga komisioni I vlerësimit të ofertave, që në përcaktimin e kritereve, hapjen e ofertës dhe pranimit të aplikantëve e deri te shpallja e fituesit të tenderit me vlerë rreth 1 mln euro. Kjo shumë, ishte parashikuar nga Drejtoria e Policisë së Shtetit për dizajnimin dhe qepjen e 27 mijë e 900 copë uniformave të ndryshme të policisë. Këto uniforma, sipas kompanisë do të prodhoheshin në turqi dhe më pas do të silleshin në Shqipëri. Por nga hetimet paraprake në Doganë, rezulton që këto uniforma nuk kanë hyrë në Shqipëri pasi mungon ndonjë faturë doganore e saj, çka hedh dyshime se ata janë prodhuar në shqipëri ose kanë hyrë kontrabandë.