Shpërthim me lëndë plasëse në qendër të Shkodrës, detajet e para (VIDEO)

Një shpërthim me lëndë plasëse është regjistruar mbrëmjen e kësaj të shtune në qendër të qytetit të Shkodrës, në afërsi të godinës së Bashkisë. Nga informacionet paraprake mësohet se nuk ka persona të lënduar, por janë shkaktuar vetëm dëme materiale.

Forcat e policisë dhe grupi hetimor kanë mbërritur menjëherë në vendngjarje dhe kanë rrethuar zonën për kryerjen e veprimeve hetimore. Policia po punon për zbardhjen e plotë të rrethanave të ngjarjes, si dhe identifikimin e kapjen e autorëve.