Pse në restorant vendosin gjithmonë majdanoz mbi ushqim?

Secilit prej nesh i ka rastisur që kur ka ngrënë të restorant të ketë vërejtur se mbi çdo pjatë të porositur, përveç ushqimit ka pasur edhe një copë majdanozi. Sigurisht që të gjithë e dimë që në shumicën e rasteve ajo vendoset për dekor, por kjo nuk është arsyeja e vetme. Këshillohet që ta konsumoni ngadalë edhe majdanozin.

Përveç se pastron qiellzën e gojës, majdanozi e freskon gojën dhe neutralizon aromat e pakëndshme të cilat mbeten në gojë pas ushqimit. Freskimi i gojës me përtypjen e majdanozit e ka prejardhjen që nga koha e romakëve të vjetër. Pas ushqimit, ata shpesh kanë përtypur majdanoz dhe që atëherë është bërë traditë vendosja e saj në pjata. Në majdanoz gjendet përqendrim i lartë i klorofilit dhe pikërisht ai zhduk bakteret në gojë. Ato fillojnë të zhvillohen pas ushqimit, ndërkaq janë shkaktari kryesor i erës së keqe.