Putin: Dronët do të “mbikëqyrin” armëpushimin në Ukrainë

Presidenti rus Vladimir Putin tha sot se Moska ka arritur një marrëveshje me Ukrainën, Francën, Gjermaninë dhe Italinë për përdorimin e avionëve zbulues pa pilot – dronet, për të monitoruar armëpushimin në lindje të Ukrainës.

Putin u tha gazetarëve në Milano se ka përparim në zgjidhjen e çështjes së demarkacionit në mes të palëve në konfliktin në Ukrainë, citon rusja Itar Tas, transmeton Telegrafi.

“Ka çështje që lidhen me kontrollin e vijës kufitare dhe ne jemi, sipas mendimit tim, duke shkuar në drejtimin e duhur, sepse kemi rënë dakord që do të përdorim dronet”, ka thënë Putin.