Qeveria serbe shkarkon kreun dhe tre anëtarë të bordit drejtues të Institutit për Filozofi dhe Teori Sociale në Beograd

Qeveria e Serbisë ka shkarkuar kryetarin në detyrë të bordit drejtues të Institutit për Filozofi dhe Teori Sociale (IFDT) në Beograd dhe tre anëtarë të këtij organi. Vendimi u botua në Gazetën Zyrtare të Serbisë.

Sipas vendimit, të nënshkruar nga kryeministri Gjuro Macut, shkarkohen nga detyra: Ivan Vejvoda, kryetar në detyrë i bordit; prof. dr. Milan Podunavac, anëtar në detyrë; dr. Radmila Nakarada, anëtare në detyrë; dhe dr. Alpar Lošonc, anëtar në detyrë.

Kryetar i ri në detyrë i bordit drejtues u emërua Aleksandar Lukić, bashkëpunëtor shkencor në Institutin për Studime Politike në Beograd. Anëtarë të rinj në detyrë u emëruan Dragana Mitrović, profesoreshë e rregullt në Fakultetin e Shkencave Politike të Universitetit të Beogradit; Dejan Matić, profesor i jashtëm në Fakultetin Juridik të Universitetit të Kragujevcit; dhe Jasmina Pekić, profesoreshë e jashtëme në Fakultetin Filozofik të Universitetit të Novi Sadit.

Nga Instituti për Filozofi dhe Teori Sociale nuk pranuan të komentojnë ndryshimin. Instituti, i Universitetit të Beogradit, ka rrënjët te grupi i disidentëve të Shkollës së Praxis-it dhe njihet si një nga zërat kritikë akademikë në Serbi. Shkarkimi vjen në një periudhë tensionesh të thella mes pushtetit dhe botës akademike, në mes të lëvizjes studentore dhe fushatës për zgjedhjet e 25 tetorit.

Burimi: Danas