QKK shpall 11 projekte fituese për zhvillimin e filmave artistikë me metrazh të gjatë

Qendra Kombëtare e Kinematografisë shpalli 11 projektet kinematografike fituese në kategorinë “Projekte për zhvillim të filmit artistik me metrazh të gjatë”.

Projektet e përzgjedhura janë:

• “Ëndrra e diktatorit” – Regjia dhe skenari: Erenik Beqiri.
• “Cittadina 113” – Regjia dhe skenari: Andamion Murataj.
• “Ngjyrat nën lëkurën time” – Regjia dhe skenari: Ajola Daja.
• “Liminal” – Regjia dhe skenari: Andi Deliana.
• “AMA” – Regjia dhe skenari: Valmir Tertini.
• “Sherebelë” – Regjia dhe skenari: Gentian Gjikopulli.
• “Fjolla” – Regjia: Redi Treni; skenari: Aleksander Rusjakov.
• “2020” – Regjia: Sara Hoxhaj dhe Mateo Cingu; skenari: Florjan Binaj.
• “Jeta e re” – Regjia dhe skenari: Lorin Terezi.
• “Hapësira mes nesh” – Regjia dhe skenari: Adrian Guri.
• “Hera” – Regjia dhe skenari: Xhoslin Rama.

Përmes kësaj thirrjeje, Qendra Kombëtare e Kinematografisë mbështet zhvillimin e projekteve të reja filmike dhe krijimtarinë e autorëve shqiptarë në fushën e kinematografisë.

Mes emrave fitues në këtë shpallje të QKK-së, është Erenik Beqiri një nga regjisorët shqiptarë me vlerësime ndërkombëtare në kinematografi. Në vitin 2023, filmi i tij i shkurtër “A Short Trip” u shpall fitues i çmimit “Best Orizzonti Short” në Festivalin Ndërkombëtar të Filmit në Venecia. Ndërsa Lorin Terezi ka fituar së fundmi çmimin “Filmi më i Mirë” në edicionin e 42-të të Festivalit Ndërkombëtar të Filmit në Varshavë (Warsaw International Film Festival), në Poloni, me filmin e tij artistik “Agia”.