Rama: BE, një bekim për ndërtimin e institucioneve të Shqipërisë

Kryeministri Edi Rama vlerësoi në Berlin se Bashkimi Europian përbën një bekim për Shqipërinë dhe ka një rol të rëndësishëm në konsolidimin e institucioneve shtetërore. Deklarimet u bënë gjatë ekspozitës “Krizalimi”, ku u prezantuan disa nga punimet e tij artistike.

Sipas TV Klan, gjatë bashkëbisedimit me ambasadorin Fabricio Bucci në ambasadën italiane në Berlin, Rama kritkoi metodologjinë aktuale të zgjerimit të BE-së si një proces të mbushur me pengesa dhe kërkoi që blloku të përshpejtojë ritmet për integrimin e Ballkanit Perëndimor.

Ai theksoi se, megjithë vështirësitë e procedurave, ndikimi i BE-së ka sjellë ndryshime konkrete në vend: procesi mund të jetë i vështirë dhe i paqëndrueshëm në nivele të ndryshme, por në praktikë funksionon dhe ka shtyrë përpara reforma që më parë mungonin. Rama pohoi se Tirana mbetet e përkushtuar për të përmbushur detyrat që çojnë drejt anëtarësimit.

Gjatë bisedës ai foli gjithashtu për pasionin e tij artistik dhe për transformimin e Tiranës që prej kohës kur drejtonte Bashkinë, duke lidhur këto përvoja me vizionin për përmirësimin e institucioneve. Raporton TV Klan.