Rama-Mustafa: Bashkim kombëtar përmes Bashkimit Evropian
-Në përditësim-
Mbledhja e sotme e qeverive të Shqipërisë dhe Kosovës do ketë një peshë të veçantë në përmirësimin e jetesës së qytetarëve të të dy vendeve, rritjen e forcave sipërmarrëse, si dhe ndërveprimin dypalësh.
Kështu u shpreh kryeministri Edi Rama në konferencën e përbashkët për shtyp me homologun kosovar, Isa Mustafa.
Rama tha se nënshkruam sot një sërë marrëveshjesh, qe do të konsolidojnë një proces pa kthim të bashkimit të gjithë forcave tona. “Bashkim forcash drejt qëllimit të përbashkët, bashkim kombëtar përmes Bashkimit Evropian”, theksoi Rama.
Ai shtoi se jemi të angazhuar të evitojmë radhët në pikat e kalimit kufitar sikurse vuri në dukje se do të njehsojmë dokumentet zyrtare të nevojshme për tregti, lehtësi për sipërmarrësit.
Shefi i qeverisë shqiptare theksoi se “çdo pikëkalimi drejt Shqipërisë, kam parasysh pikën kryesore në rrugën e Kombit në një pikë pa radha ku kontrolli të bëhet i rastësishëm ashtu siç bëhet në kufi të BE përshembull me Zvicrën. Morëm në shqyrtim hapat e domosdoshëm për bashkëpunimin ekonomik, nxitjen dhe lehtësimin e tregtisë, firmosëm memorandum mirëkuptimi mes ministrive të financave, shtuar këtu edhe vendosja e piketave të mëtejshme për bashkëpunimin në fushën e bujqësisë”.
Rama shprehu vendosmërinë që brenda vitit t’i heqim barrierat e natyrës administrative dhe të njehsojmë dokument e nevojshëm tregtarë për tregtinë që të mos punojnë me dy palë dokumente kur është fjala për shkëmbimin e prodhimit bujqësor dhe blegtoral ku është e domosdoshme të veprojmë me shpejtësi dhe do ta bëjmë këtë për të njohur reciprokisht, burimet e çertifikimit”.
