Rama në Vlorë: BE-ja e mirëpret Shqipërinë

Kryeministri Edi Rama ka deklaruar se “statusi kandidat është afirmimi i BE-së se e mirëpret Shqipërinë” në gjirin e saj.

I pranishëm në forumin për integrimin europian të mbajtur në Universitetin e Vlorës paraditen e së premtes, kreu i qeverisë tha se “kemi detyrën të mësojmë nga përvojat e shkëlqyera të vendeve të tjera” dhe “ta shfrytëzojmë procesin e integrimit për të modernizuar vendin”.

“Mospërfshirja e Ballkanit me shpejtësi në BE, dëmton Europën”, shtoi Rama.

Në forumin me titull “Evropa, qëllimi është rruga”, të  pranishëm ishin edhe eurodeputetët Fleckenstein dhe Weidenholzer.