Kryeministri Edi Rama deklaroi sot se me ministrin e Jashtëm të Greqisë, Nikos Dendias, ranë dakord që për çështjen e detit t’i drejtohen Drejtësisë Ndërkombëtare.
Ndërkohë Rama tha se “jemi më afër se asnjëherë heqjes së Ligjit të Luftës, çka përbën edhe një kthesë përfundimtare në historinë e marrëdhënieve tona”.
“Me ministrin e Jashtëm të Greqisë, Nikos Dendias, ramë dakord që për çështjen e detit t’i drejtohemi Drejtësisë Ndërkombëtare, ndërkohë që jemi më afër se asnjëherë heqjes së Ligjit të Luftës, çka përbën edhe një kthesë përfundimtare në historinë e marrëdhënieve tona”, u shpreh Kryeministri, ndërsa ndau një foto nga takimi i përbashkët që u zhvillua sot në Tiranë.
Ministri i Jashtëm grek theksoi se kanë referuar çështjen e ligjit të luftës që Greqia mban me Shqipërinë dhe në lidhje me këtë temë ai shtoi se “Kjo gjë është një anakronizëm dhe jam i sigurt se edhe këtë do ta zgjidhim së bashku. Është gëzim i madh për mua që kam mundësinë ta them këtë gjë këtu nga Tirana, në opinion publik shqiptar me urdhër të kryeministrit Mitsotakis”.
Ministri i Jashtëm i Greqisë, Nikos Dendias zhvilloi sot një vizitë zyrtare në Tiranë, ku u takua edhe me presidentin e vendit, Ilir Meta dhe me ministrin në detyrë për Evropën dhe Punët e Jashtme, Gent Cakaj.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.