Rama: Po pres që ministrat teknikë të largohen

Pas rezultatit të zgjedhjeve të 25 qershorit, ku Partia Socialiste fitoi e vetme mandatin për të qeverisur vendin, kryeministri Edi Rama ka folur për qëndrimin në detyrë të ministrave teknikë.

Në një konferencë për shtyp nga Kryeministria për Samitin e Triestes, Rama theksoi se nuk është zotuar që do t’i shkarkojë, por pret që të largohen sepse misioni i tyre tashmë ka përfunduar.

“Pres që të largohen sepse nuk ka më arsye që të qëndrojnë, misioni i tyre ka mbaruar me sukses të plotë dhe pres që të largohen”, u shpreh Kryeministri Edi Rama.

Zv/Kryeministrja dhe ministrat teknikë të Partisë Demokratike u emëruan në qeveri si pjesë e marrëveshjes Rama-Basha për të garantuar votën e lirë në zgjedhje.

Sipas marrëveshjes, PD mori postin e zv/Kryeministres, Ministrinë e Drejtësisë, Ministrinë e Brendshme, Ministrinë e Financave, Ministrinë e Arsimit dhe Sportit dhe Ministrinë e Shëndetësisë