Real Madrid dorëzohet për Olise, por vetëm për këtë verë…

Michael Olise nuk do të transferohet te Real Madrid, të paktën këtë verë. Real Madridi ka konfirmuar se Bayern Munich nuk ka ndërmend të marrë në konsideratë ofertat për shitjen e Olise dhe se as një shumë e madhe nuk do t’ua ndryshonte mendjen.

Prandaj, dhe për shkak se nuk duan të rrezikojnë marrëdhënien e mirë institucionale që mbajnë me klubin bavarez, skuadra madrilene ka vendosur ta mbyllë përkohësisht çështjen. Por, kjo nuk e përjashton aspak mundësinë që Real Madrid të tentojë transferimin e Olise verën e ardhshme.

Në rast se francezi nuk rinovon gjatë vitit kontratën aktuale me Bayern Munich, e cila skadon në vitin 2029, është e sigurt që klubi madrilen do të tentojë transferimin e tij gjatë merkatos së verës së ardhshme.