Real Madrid synon tre përforcime në mbrojtje këtë merkato

Pas një sezoni të zhgënjyes, Real Madrid po përgatitet për ndryshime të rëndësishme në skuadër gjatë merkatos së verës, me prioritet forcimin e repartit mbrojtës.

Gazetari Josep Pedrerol njofton se drejtuesit e Los Blancos planifikojnë të nënshkruajnë të paktën tre mbrojtës, raporton telesport.

Largimi i Dani Carvajal si lojtar i lirë në fund të sezonit rrit nevojën për një alternativë të besueshme në krahun e djathtë, ndërsa pasiguritë në lidhje me gjendjen fizike të Trent Alexander-Arnold shtojnë presionin për zgjidhje afatshkurtra. Për më tepër, dëmtimi i Eder Militao, largimi i David Alaba dhe forma jo e qëndrueshme e Antonio Rudiger nxisin kërkesën për dy qendërmbrojtës.

Emrat që përmenden si mundësi për t’u afruar janë Ibrahima Konate, Nico Schlotterbeck dhe Alessandro Bastoni. Sipas raportimeve të mëparshme nga telesport, klubi pritet të jetë aktiv në merkato për të adresuar këto nevoja në mbrojtje.