Rinas, arrestohet një tjetër shtetas malez me dokumente false

Një tjetër shtetas malez është arrestuar në aeroportin e Rinasit, teksa tentonte të udhëtonte drejt Francës me dokumente të falsifikuara.

Burime zyrtare të policisë bëjnë të ditur se është arrestuar Diallo Cheick Oumar 25 vjeç, nga Bamako e Malit. Ai është paraqitur përkontroll dhe hyrje në Shqipëri me një pasaportë maleze të lëshuar në emër të tij, e cila në faqen gjashtë kishte një vijë shqiptare të lëshuar në Kajro.

Pas dyshimeve të krijuara lidhur me vërtetësinë e tyre, dhe gjatë intervistimit të shpejtë të Oumarit, përgjigjet e tij ishin tepër konfuze, bën të ditur policia, lidhur me udhëtimin dhe vendet ku do të qëndronte.

Pas kontrollit fizik të ushtruar, në xhepin e xhupit ai kishte një leje qëndrimi franceze dhe një kartë identiteti franceze, të cilat rezultuan falso pas verifikimeve.

Oumar deklaroi më pas se ishte takuar më herët me një tjetër shtetas malez i cili i kishte shitur pasaportën në Mali, një vizë shqiptare dhe një leje qëndrimi franceze kundrejt shumës prej 5670 dollarë amerikan. I njëjti person i ka prerë biletat dhe i paguar hotelin e qëndrimit në Beograd.