Rita Ora do të performojë në mbrëmjen e çmimeve Oscar

Rita Ora ka njoftuar fansat e saj se do të jetë një nga këngëtaret që do të performojë në mbrëmjen e ndarjes së çmimeve Oscar.

Këngëtarja shqiptare me origjinë nga Kosova shkroi në Twitter: “Jam shumë e lumtur t’ju njoftoj se jam ftuar të performoj në mbrëmjen Oscar më 22 Shkurt!”

Ky lajm vjen vetëm dy javë pasi u bë e ditur se këngëtarja e famshme ishte nominuar për çmim Oscar. Rita Ora është kandidate për çmimin e këngës më të mirë origjinale me titull ‘Grateful’, kolona zanore e filmit ‘Beyond the Lights’.