Ronaldo shënon golin e 970-të dhe pranon: fishkëllima e fundit po afron

Cristiano Ronaldo shënoi golin e 970-të në karrierë në fitoren 2-0 të Al-Nassr ndaj Al-Ahli, një fitore që e afron ekipin e tij drejt titullit kampion në saudit.

Në një intervistë për Canal GOAT, ai u shpreh se po shijon çdo ndeshje dhe çdo moment në fushë, por është i vetëdijshëm që fishkëllima e fundit po afron, sipas telesport.

Ronaldo theksoi se nuk luan vetëm për brezin e tij, por edhe për ata që kanë ardhur më parë dhe për ata që do të vijnë, duke nënvizuar se vazhdon të kënaqet, të shënojë dhe që prioritet i mbetet fitorja e skuadrës. Ai përshkroi karrierën e tij si të mrekullueshme dhe shprehu dëshirën që imazhi i saj të mbetet i tillë.

Sipas informacioneve nga rrethi i tij, ai po konsideron të luajë të paktën edhe një sezon përpara tërheqjes, një aspekt që raporton telesport.