Salah zgjedh Europën: largohet nga Liverpool dhe pritet afrim te Fenerbahçe

Mohamed Salah ka vendosur të largohet nga Liverpool në fund të këtij sezoni, një vit para skadimit të kontratës së tij. Sulmuesi preferon të vazhdojë karrierën në Europë, duke refuzuar oferta të mëdha nga Arabia Saudite.

Sipas telesport, TEAMtalk raporton se Sulmuesi egjiptian është shumë pranë zyrtarizimit të transferimit te Fenerbahçe. Klubi turk i ka ofruar një kontratë të rëndësishme, me një pagë javore rreth 385,000 eurosh, si dhe perspektivën e pjesëmarrjes në Ligën e Kampioneve.

Salah pësoi një dëmtim në ndeshjen kundër Crystal Palace, por pritet të rikuperohet në kohë për të mbyllur sezonin me Liverpool. Mbrojtja e titullit dhe përfundimi i kontratës me fanellën e kuqe do të shoqërohen edhe me një përshëndetje dhe nderim nga tifozët.

Çdo konfirmim zyrtar për kalimin e tij pritet të vijë së shpejti; zhvillimet e mëtejshme mbi këtë lëvizje do t’i ndjekin mediat, raporton përsëri telesport.