Samiti i G7 miraton planin e shpenzimeve për rivalizimin e influencës botërore të Kinës

Në deklaratën e samitit që po zhvillohet në rezortin britanik të Cornwall, liderët e G7 thanë se ata do të ofrojnë një partneritet “të udhëhequr nga vlerat, standardet e larta dhe transparenca”.

G7 pritet të përfshijnë në planin e tyre strategji për ndalimin e pandemive të reja në botë.

Masat përfshijnë reduktimin e kohës së krijimit dhe shpërndarjes së vaksinave e mjekimeve të Covid-19.

Në sesionin e sotëm amerikanët ishin duke ngritur sfidën e tyre të parë zyrtare ndaj rritjes së influencës botërore të Kinës, e cila po pompon miliarda dollarë në vendet në zhvillim.

Zyrtarët e administratës së SHBA dëshirojnë të provojnë se vlerat perëndimore do të triumfojnë në botë, duke thënë se nuk është një sfidë kundër Kinës, por për dhënien e një alternative më pozitive për botën.