Samsung synon blerjen e BlackBerry, kjo e fundit e mohon marrëveshjen

Samsung Electronics kohëve të fundit u ofrua për të blerë kompaninë kanadeze të telefonave të mençur mobil BlackBerry, për një shumë që arrin në 7.5 miliardë, raporton Reuters duke cituar një person të njohur me këtë çështje dhe duke u bazuar në disa dokumente të para.

Samsung thuhet se është e interesuar në blerjen e patentave të BlackBerry, si dhe në forcimin e pozicionit të saj në tregun e ndërmarrjeve.

Samsung propozuar një ofertë prej 13,35-15,49 dollarë për aksion, që paraqet një çmim prej 38-60 për qind mbi çmimin aktual të aksioneve të tregtuara për BlackBerry.

Përfaqësues nga të dy kompanitë u takuan javën e kaluar për të diskutuar mbi transaksionin e mundshëm, thuhet sipas raportit.
Megjithatë, BlackBerry e lëshoi një deklaratë duke e mohuar se ishte në bisedime për një shitje të mundshme të kompanisë.

Samsung tha gjithashtu për Reuters në Seul se nuk ka plane për blerjen e Blackberry.