Seanca në Apelin e GJKKO për Ilir Metën, ish-presidenti kërkon shfuqizimin e pezullimit të afateve të paraburgimit
Afatet e paraburgimit të ish-presidentit u pezulluan pas dështimit të seancave për shkak të bojkotit të avokatëve; Apeli i GJKKO-së e shtyu vendimin për më 25 nëntor.
Këtë të premte u zhvillua në Apelin e GJKKO-së seanca për ish-presidentin Ilir Meta, siç njofton Shqiptarja.com. Meta kërkon shfuqizimin e vendimit që pezulloi afatet e paraburgimit të tij nga 1 tetori deri më 15 tetor.
Afatet e paraburgimit ishin pezulluar pasi seancat gjyqësore dështuan për shkak të bojkotit të avokatëve kundër rregullores së re të GJKKO-së.
Meta ishte i pranishëm në seancat për dosjen e tij dhe argumentoi se dështimi i seancave nuk ishte faji i tij, pasi bojkoti e shkaktoi atë, ndërsa ai kishte rënë dakord të vazhdonte pa avokat.
Apeli i GJKKO-së e shtyu vendimin për më 25 nëntor, në orën 08:50.



Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.