SHBA kryen stërvitjen e parë ushtarake në Venezuelë pas rrëzimit të Maduros

Ushtria amerikane kreu një stërvitje mbi Karakas në Venezuelë, stërvitja e saj e parë ushtarake në Venezuelë që kur trupat amerikane sulmuan kryeqytetin dhe kapën Presidentin Nicolas Maduro dhe gruan e tij Cilia Flores më 3 janar. Autoritetet venezueliane thonë se sulmi vrau të paktën 100 persona.

Stërvitja, të cilën qeveria venezueliane tha se e kishte autorizuar si një stërvitje evakuimi për urgjenca ose fatkeqësi të mundshme mjekësore, përfshinte dy avionë MV-22B Osprey që u ulën pranë ambasadës amerikane dhe anije që hynë në ujërat venezueliane në Detin e Karaibeve.

Ambasada amerikane tha në një deklaratë se mbetet “e përkushtuar për të siguruar zbatimin” e planit trefazor të Presidentit Donald Trump, “veçanërisht stabilizimin e Venezuelës”.

Francis Donovan, komandant i Komandës Jugore të SHBA-së, e cila mbikëqyr operacionet ushtarake amerikane në Amerikë, fluturoi me një nga avionët Osprey në Karakas, ku u takua me zyrtarë të qeverisë së përkohshme.

“Kjo na mban në gatishmëri”, tha Evelyn Rebolledo, 57 vjeç, një administratore që jeton në kryeqytet.

“Një vend i huaj që fluturon mbi vetë qytetin, kjo është e re për ne dhe aq më tepër që vjen nga Shtetet e Bashkuara, duke pasur parasysh situatën aktuale dhe të gjitha trazirat në vend. Na lë në një gjendje pasigurie”, shtoi ajo.

Administrata e Trump ka mbështetur qeverinë e Delcy Rodriguez, ish -zëvendëspresidentes së Maduros, e cila ka miratuar ligje për të hapur rezervat e mëdha të naftës dhe burimet minerare të Venezuelës për SHBA-në.

Udhëheqësja e opozitës venezueliane, Maria Corina Machado, foli para qindra emigrantëve venezuelas në një tubim në Panama City të shtunën, duke u zotuar të vazhdojë organizimin e lëvizjes.

“Momenti kur do të kthehem në vendin tonë po afron,”. “Ajo që po vjen është e madhe, ajo që po vjen do të jetë masive.”

Laureatja e Çmimit Nobel, e cila është përpjekur të fitojë favorin e Trump , ka folur me mbështetës dhe udhëheqës nga e gjithë bota që kur u largua nga Venezuela dhjetorin e kaluar, pas muajsh jetese në fshehtësi.

Lëvizja e saj opozitare shihet gjerësisht si fituesja legjitime e zgjedhjeve të vitit 2024, për të cilat Maduro u akuzua për manipulim .