SHBA – Trump në vështirësi në sondazhe, vlerësim negativ në 47 nga 50 shtete

UASHINGTON, 24 gusht /ATSH-ANSA/ – Presidenti amerikan Donald Trump po përballet me një vlerësim negativ në shumicën e shteteve të SHBA-së, sipas një sondazhi të YouGov dhe ”The Economist”.

Sipas të dhënave të sondazhit, në 47 nga 50 shtetet amerikane numri i votuesve që nuk e miratojnë punën e Trump është më i madh se ai i votuesve që e mbështesin.

Vetëm në Wyoming, Idaho dhe Virginia shumica e të anketuarve shprehen pozitivisht për performancën e presidentit amerikan.

Rezultatet vijnë pas një sondazhi të Reuters, të publikuar më 17 gusht, sipas të cilit vetëm një në tre amerikanë miraton mënyrën se si Trump po ushtron detyrën.

Të dhënat e YouGov dhe ”The Economist” tregojnë kështu një bilanc negativ të kënaqësisë ndaj presidentit në pjesën më të madhe të territorit amerikan, ndërsa vetëm tre shtete regjistrojnë një shumicë që e miraton performancën e tij./ a.jor.