Shehaj i përgjigjet Ramës: Nuk mund të flasë për hajdut ai që ka të akuzuar bashkëpunëtorët nga drejtësia

Agron Shehaj, kreu i Partisë Mundësia, ka folur këtë të martë në Now me Erla Mëhillin lidhur me zhvillimet e fundit. Shehaj iu përgjigj edhe statusit të Kryeministrit Edi Rama, ku ky i fundit e akuzonte për marrjen e një dokumenti nga Kuvendi i Shqipërisë. Sipas Shehajt, nuk mund të akuzohet nga një kryeministër, që sipas tij, bashkëpunëtorët i ka të akuzuar për korrupsion nga SPAK.

“Ky flet për hajdutëri. Ka dy zëvendëskryeministra të akuzuar nga SPAK. Ky flet për hajdutëri. Erion Veliajn e ka në burg. Ka dy vjet në burg, i akuzuar po ashtu se ka vjedhur paratë e qytetarëve shqiptarë. Edhe nuk akuzohen nga mediat apo kundërshtarët politikë, por nga SPAK, nga drejtësia. Nga një drejtësi e ngritur dhe e mbështetur. Ky po lufton për t’i shpëtuar burgut. Më thotë hajdut se luftova me një të drejtë. Ky flet për hajdutëri. Ky është absurdi i këtij vendi.” – tha Shehaj.