Shifra rekord pas fazës së grupeve, stadiumet 99.5% të mbushur nga spektatorët

Faza e grupeve të Botërorit 2026, që po zhvillohet në Meksikë, SHBA dhe Kanada, ka shënuar shifra rekord sa i takon pjesëmarrjes së tifozëve.

Në këtë fillim të turneut janë regjistruar 4.644.549 spektatorë të pranishëm në të gjitha ndeshjet, me një përqindje mbi 99.5% të mbushjes së stadiumeve. Në asnjë nga edicionet e mëparshme të Kupës së Botës nuk janë shënuar shifra të tilla.

Shifra që janë përshëndetur edhe nga presidenti amerikan Trump, i cili, duke iu referuar të dhënave të FIFA-s, evidentoi faktin se në asnjë Kupë Bote nuk ka pasur një pjesëmarrje kaq masive.