Shirat e rrëmbyeshëm vërshojnë në Shkup, probleme në qarkullim dhe infrastrukturë

Shirat e rrëmbyeshëm që përfshinë të mërkurën Shkupin dhe një pjesë të madhe të Maqedonisë së Veriut shkaktuan vërshime në disa zona urbane dhe rurale, duke sjellë probleme në qarkullim dhe infrastrukturë.

Si pasojë e reshjeve intensive, disa rrugë u mbuluan nga uji, ndërsa në disa komuna u raportuan vështirësi në qarkullimin e automjeteve dhe probleme në funksionimin e sistemit të kanalizimit.

Institucionet u kanë bërë thirrje qytetarëve të tregojnë kujdes dhe të shmangin lëvizjet e panevojshme në zonat e prekura, pasi sipas parashikimeve meteorologjike moti i paqëndrueshëm pritet të vazhdojë edhe në vazhdim.