Shkëmbimet tregtare me Turqinë llogariten 19 miliardë e 160 milionë lekë

Bashkëpunimi ekonomik mes Shqipërisë dhe Turqisë ka ardhur duke u zgjeruar vazhdimisht, sidomos gjatë viteve të fundit.

Edhe gjate këtij viti, Turqia vazhdon të mbetet një ndër partnerët kryesorë të vendit tonë në tregtinë e jashtme, pas Italisë dhe Greqisë, duke zënë 8.1 % të totalit të shkëmbimeve tregtare.

Gjatë 5 mujorit të parë të këtij viti, shkëmbimet tregtare me Turqinë, kapën një vlerë prej 19 miliardë e 160 milion lekë.

Instituti i Statistikave në raportin e tij 5-mujor për Tregtinë e Jashtme raporton se vlera e importeve llogaritet 14 miliardë e 807milionë lekë, ndërsa eksportet 4 miliardë e 353 milionë lekë.

Shifrat e mësipërme tregojnë se eksportet shqiptare janë ende shumë të ulëta në krahasim me importet. Vlerën më të lartë të eksporteve e shënoi grupi materiale ndërtimi dhe metale, duke arritur në 3 miliardë e 181 milionë lekë, ndërsa për importet vlerën më të lartë e shënoi grupi tekstile dhe këpucë duke arritur në 3 miliardë e 792 milionë lekë