Shullazi 5 ditë në Itali, Akuza: Sekuestroni kamerat në port

Prokuroria e Krimeve të Rënda ka urdhëruar Policinë e Shtetit, që të verifikojë kamerat e sigurisë në portin e Durrësit.

Bëhet fjalë për periudhën 23 janar dhe 28 janar 2016, periudhë kjo kur Emiljano Shullazi është larguar në drejtim të Italisë me një automjet. Këto pamje filmike tashmë janë sekuestruar nga Prokuroria e Krimeve të Rënda dhe se ndodhen në dosjen hetimore.Nga pamjet filmike ka rezultuar se Shullazi ka udhëtuar drejt italisë në 23 janar, ku pas 5 ditë qëndrimi në këtë shtet, ai është kthyer në datën 28 janar në Shqipëri.

Pikërisht prania e tij në portin e Durrësit në muajin Janar të këtij viti është bërë shkak i një debate politik mes PD dhe PS, ku opozita ka akuzuar drejtorinë e doganave se nuk ishte skanuar makina e Shullazit.Drejtoria e Përgjithshme e Doganave hedh poshtë akuzat e Partisë Demokratike në adresë të Zv/Drejtorit të Përgjithshëm Besmir Qibini,që përpiqen ta lidhin atë me favorizim të personave të caktuar, raporton “Shqiptarja.com”

Sipas Drejtorisë së doganave, makina e Shullazit i është nënshtruar skanimit, sipas procedurave standarde të punës. Për këtë, DPP ka vënë në dispozicion të medias edhe dokumentin e urdhër skanimit si dhe foton e mjetit.