Skadon në fund të shtatorit një tjetër licencë amerikane për NIS-in – Vuçiç: “Situata është e komplikuar, nuk varet nga ne”

Fundi i shtatorit shënon skadimin e një tjetër licence amerikane operacionale për kompaninë “Naftna industrija Srbije” (NIS), e cila është në pronësi shumicë ruse, si dhe të licencës për negociatat mbi shitjen e kompanisë, shkruan e përditshmja Danas.

Në këtë kontekst, rafineria e Pançevës po fiton gjithnjë e më shumë rëndësi kritike: niveli i ulët i Danubit po pengon importet me barzha, ndërsa tregu është mbështetur te rafineria e Pançevës gjatë muajve të fundit.

Ministrja e Minierave dhe Energjisë, Dubravka Đedović Handanović, ka deklaruar se negociatat mes Gazprom Neft-it dhe kompanisë hungareze MOL janë “në fazën përfundimtare”. Por presidenti Aleksandar Vuçiç deklaroi në fundjavë se situata është e komplikuar dhe “nuk varet nga ne” — sipas tij, amerikanët po shqyrtojnë nëse NIS-in ta marrë një vend evropian apo ta marrin vetë Shtetet e Bashkuara.

Analisti Strahinja Obrenović vlerëson se pala ruse nuk ka interes ta shesë kompaninë dhe do ta zgjasë procesin sa më shumë të jetë e mundur.

Ndërkohë, NIS ka investuar rreth 32,3 milionë euro në kolosëkun industrial të modernizuar në rafinerinë e Pançevës, ndërsa më 21 shtator njoftoi një remont kapital me vlerë rreth 15 milionë euro në HIP-Petrohemija, që pritet të zgjasë deri më 18 nëntor.

Burimi: Danas