Aksident mes trenit dhe një veture në Klinë, tre persona të lënduar
Përplasja ndodhi sot rreth orës 06:15 në fshatin Jagodë të Klinës; të lënduarit morën ndihmë mjekësore në Spitalin Rajonal të Pejës.
Tre persona kanë pësuar lëndime trupore si pasojë e një aksidenti trafiku që ndodhi sot rreth orës 06:15 në fshatin Jagodë të Klinës, ku u përplasën një tren udhëtarësh dhe një veturë.
Të lënduarit janë dërguar me autoambulancë në Spitalin Rajonal të Pejës, ku po marrin trajtimin e nevojshëm mjekësor.
Sipas ekipit mjekësor të spitalit, tre personat kanë pësuar lëndime të lehta trupore dhe janë jashtë rrezikut për jetën.
Rastin e ka konfirmuar zëdhënësi i Policisë së Kosovës për rajonin e Pejës, Driton Rugova, i cili ka theksuar se policia po merret me hetimin e plotë të rrethanave në të cilat ndodhi aksidenti.
Burimi: Telegrafi
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.