Në Skemën Kombëtare 2022, peshkimi është mbështetur përmes dy masave subvencionuese, të cilat kanë ndihmuar në lehtësimin e punës dhe uljen e kostove për peshkatarët.
Agjencia për Zhvillim Bujqësor dhe Rural, (AZHBR) bëri të ditur se vitin që kaloi, për herë të parë mbas 30 vitesh u realizua rinovimi i flotës detare për 20 anije peshkimi, ku 13 anije ishin për riparim apo zëvendësim motori, si edhe gjeneratorin detar, ndërsa 7 kontrata për riparim të përgjithshëm të flotës.
Vlera e financimit ka arritur në 149.5 milionë lekë, ndërsa mbështetja ka vijuar edhe me skemën e naftës për anijet e peshkimit.
Për të gjitha furnizimet e kryera nga muaji gusht deri në datën 31 dhjetor 2022, është zbatuar subvencionimi me 40 lekë/litër për anijet e peshkimit, mbështetje për të cilën u adresua një financim prej 198.2 milionë lekësh për 4.954.372 litra naftë që përdorën peshkatarët për anijet e tyre.
Kjo skemë ishte një masë shtesë që u hartua nga Ministria e Bujqësisë dhe Zhvillimit Rural për të përballuar rritjen e çmimit të naftës.
Qeveria Shqiptare përmes masave subvencionuese kërkon t’i vijë në ndihmë çdo sektori, me qëllim rritjen e prodhimit, uljen e kostove dhe zhvillimin e përgjithshëm të ekonomisë në vend.
Vetem anijet e tonazhit btw larte do te mbijetojne me kete plan