Spanja e de la Fuente në fushë shembull i skuadrës ideale, por trofeun lojtarët e festuan me flamujt e krahinave respektive

Spanja e de la Fuente është simboli i ekipit që fiton falë forcës së lojës në grup dhe jo një individi të vetëm, por gjatë festimeve të trofeut disa lojtarë shpalosën flamujt e qyteteve të lindjes duke treguar se nuk janë edhe aq të… bashkuar.

Gavi kishte një flamur me ngjyrat e bardha dhe jeshile, të cilat i përkasin Andaluzisë. 21-vjeçari i Barçës ka lindur në qytezën Los Palacios dhe Villafranca shumë pranë Sevijës.

Të njëjtën gjë kishte bërë edhe Yeremi Pino, i cili mbante një flamur me ngjyrat bardhë dhe blu. 23-vjeçari ka lindur në Las Palmas të Gran Canaria. Në moshën 14-vjeçare ai u largua nga ishulli me destinacion Villarreal-in. Sot ai luan për Crystal Palace në Premier League. Si Ishujt Kanarie dhe Andaluzia janë pjesë të Spanjës edhe pse njihen si rajone autonome.

Të njëjtën zgjedhje kishte bërë edhe Dano Olmo, i cili ka lindur në Terrassa pranë Barcelonës në rajonin e Katalonjës. Edhe fantazisti i Barçës festoi me fanellën e Spanjës, por me flamurin e qytetit të tij të lindjes pas vetes.

Edhe Baena mbante një flamur që nuk ishte ai i Spanjës. Sulmuesi i Atletico Madrid ka lindur në qytezën Roquetas de Mar, e cila i përket provincës së Almeira-s të komunitetin autonom të Andaluzisë.

Pedro Porro mbante flamurin e qytetit Don Benito, i cili ndodhet në provincën e Badajoz, Extremadura në kufij me Portugalinë. Edhe mbrojtësi i djathtë i Tottenham festoi me flamurin e qytetit të tij.

Një tjetër lojtar që mbante flamurin e krahinës së tij ishte edhe Borja Iglesias, i cili festoi me ngjyrat e komunitetit autonom të Galicisë pasi ka lindur në Santiago de Compostela, pjesë e Provincës së A Coruña-s. A.V.