Spanja regjistron një numër rekord turistësh në gjashtë mujorin e parë të vitit 2014

Spanja ka thyer një rekord të ri në gjashtë mujorin e parë të vitit duke pritur më shumë se 28 milionë turistë të huaj, një shifër në rritje, në 7,3 për qind në një vit, njoftoi sot Ministria e Turizmit.

Britanikët, kanë regjistruar numrin më të madh të vizitorëve në këtë vend, destinacioni i tretë turistik botëror pas Francës dhe SHBA-së. Ata kanë qënë 6,5 milionë, një rritje prej 5,8 për qind. Ata janë ndjekur nga gjermanët (4,7 milionë +8,8 për qind) dhe nga francezët (4,2 milionë, +10,3 për qind).
Italianët, më të paktë në numër gjatë krizës janë rikthyer (+13,9 për qind, rreth 1,5 milionë). Rusët kanë regjistruar rënie (-4,5 për qind, rreth 561.000), si pasojë e dobësimit të rublës përballë euros.
Turistët e huaj janë vendosur kryesisht në Katalonja, që ka pritur 7,1 milionë turistë (+6,7 për qind), sipas ministrisë. Destinacionet e tjera më të preferuara janë ishujt Canaries (+12,4 për qind, rreth 5,6 milionë turistë) dhe Baleares (-0,6 për qind, rreth 4,2 milionë).
Sezoni veror ka filluar me një muaj rekord, 6,6 milionë turistë të huaj kanë vizituar vendin, ku britanikët numërojnë numrin më të madh të turistëve, gjermanët dhe francezët.
Spanja ka regjistruar rekord në vitin 2013 për turizmin, me 60,6 milionë vizitorë të huaj, një maksimum historik