Spanjë, Mbreti paralajmëron separatistët katalanas
Mbreti i Spanjës bëri thirrje për unitet, ndërsa ende ndihen qartë pasoja e referendumit të jashtëligjshëm për Pavarësi të Katalonjës. Në mesazhin e tij të krishtlindjeve, Felipe i VI nxiti katalanasit që të zgjedhin bashkëjetesën dhe jo përballjen.
Duket se mesazhi i mbreti për krishtlindje ishte qartësisht më i kujdesshëm, megjithëse nuk kishte ndryshuar aspak në kuadër të ruajtjes së unitetit të vendit. Mbreti tha se liderët e zgjedhur këtë javë në Katalonjë duhet të përballen me probleme serioze.
“Rruga nuk mund të na çojë sërish në përballje dhe përjashtim, sepse ne e dimë që kjo sjell vetëm mosmarrëveshje dhe pasiguri-deklaroi mbreti nga rezidenca e tij në Madrid.
Në mesazhin e tij të bashkëpunimit, por që ritheksoi vendosmërinë e Madridit për të mos lejuar pavarësinë e Katalonjës, Mbreti Felipe i VI nuk ngurroi të lëvdojë atë që quajti transparencën dhe shpirtin krijues të krahinës.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.