Spektakël në Wembley, Spanja mund Anglinë

Spanja, kampione e botës dhe të Evropës e nis me këmbën e mbarë Ligën e Kombeve, duke fituar 3-2 në Wembley pas një ndeshjeje spektakolare. Yamal zhbllokoi sfidën duke përfituar nga gabimi i Guehi-t. Anglia e ktheu rezultatin në katër minuta: Gordon barazoi dhe Kane shënoi me ndihmën e Cucurella-s.

Pas pjesës së parë, Kane gjuajti një penallti drejt traversës, ndërsa Baena firmosi për rezultatin 2-2, ndërsa Oyarzabal shënoi golin e fitores, 3-2.

Shfaqja e Spanjës në Wembley nuk ishte e vetmja në këtë mbrëmje të Ligës së Kombeve. Kroacia fitoi 2-1 në fushën e Republikës Çeke në Grupin 3 të Ligës A, falë dhe një goli të Modriç të pavdekshëm.

Në Ligën B, Zvicra mposhti 3-0 Maqedoninë e Veriut, ndërsa Sllovenia e Skocia barazuan 0-0. Fitore e Finlandës, 7-0 përballë San Marinos.