Të paktën pesë të vdekur dhe 27 të plagosur pas një aksidenti automobilistik

Të paktën pesë persona kanë mbetur të vdekur dhe 27 të tjerë u plagosën pas aksidentit të një autobusi ukrainas pranë Garwolinit, në jugperëndim të Varshavës, theksoi një zëdhënës i policisë lokale për televizionin “TVN 24”.

“49 pasagjerë ndodheshin në bordin e këtij autobusi të nisur nga Lviv në Ukrainë në drejtim të Varshavës. Tre persona kanë humbur jetën në vend ndërsa dy të tjerë pasi mbërritën në spital”, deklaroi Marek Kapusta, nga komisariati Garwolin.

Kombësia e viktimave ende nuk dihet.

Zëdhënësi i policisë shtoi se në bordin e  autobusit ndodheshin shtetas ukrainas dhe polakë.