Tela me gjemba në Parlament. Policia dhe Garda marrin masat për protestën e sotme

Pavarësisht anulimit të seancës së Kuvendit, protesta sot në ora 10.00 do të mbahet.

E vetmja masë e dukshme deri në mbrëmjen e së mërkurës ishte një brez me tela me gjemba rreth 1 metër gjatësi është vendosur në të gjithë perimetrin e sallës së Kuvendit.

Policia, Garda dhe RENEA janë nga sot në shërbim të përforcuar. I gjithë perimetri i Parlamentit dhe përpara Kryeministrisë do të rrethohet nga një kordon me policë.

Janë rreth 1600 forca policore të angazhuara për protestën e sotme të opozitës.