Tenis/ Djokovic propozon ndryshimin e pikëzimit: Sete me 4 gejme, më mirë për ne dhe publikun!

Tenisti serb mendon për një reformë radikale. Është mirë për të gjithë – thotë Novak Djokovic. Ai ka një propozim, që sipas 24 herë kampionit të turneve Slam, ka si objektiv ta bëjë tenisin më të qëndrueshëm për publikun dhe jo vetëm.

Idenë e tij për ndryshimin e formatit apo të pikëzimit, “Nole” e ka bërë publike ditët e fundit në New York. Ai gjykon se duhet luajtur deri në 4 gejme për çdo set, në mënyrë që të shkurtohet koha dhe të mos ketë avantazhe në rezultatin 40-40.

Qëndrueshmëri dhe thjeshtësi janë shtyllat e propozimit të Djokovic. “Duhet ndryshuar formati i pikëzimit: të luajmë deri në 4 gejme për çdo set, mundësisht pa avantazhe brenda gejmit. Kështu ndeshjet mund të mbyllen brenda harkut të dy orëve. Është më mirë për të gjithë”, – ka thënë Djokovic.

Në tenis ideja e tij është realitet tashmë, edhe pse jo në cirkuitin e të rriturve. Luhet me këtë format në “Next Gen Finals”.