Tension në gjyqin ndaj imamëve, Pashaj: Jeni kriminelë, armiq të Islamit

Shtyhet seanca e radhës gjyqësore në Gjykatën e Krimeve të Rënda ndaj imamëve të vetëshpallur, të akuzuar për terrorizëm dhe rekrutim të luftëtarëve xhihadisë.

Për shkak të tensionit të krijuar në sallë mes të pandehurve dhe prokurorëve të çështjes, seanca ka dështuar sërish. Njëri nga të pandehurit, Gerti Pashaj kërkoi që t’i vihej në dispozicion vendimi që lejonte përgjimin mes  Artur Korres dhe Erzen Gashit. Por në momentin që i është vënë në dispozicion, Pashaj  në mënyrë demonstrative e ka grisur vendimin, duke shpërthyer në sharje e ofendime në drejtim të prokurorit dhe trupit gjykues: “Ju jeni kriminelë, jeni armiq të islamit”, mësohet të jetë shprehur Pashaj. Seanca e radhës gjyqësore ndaj të ashtuquajtur grup i xhihadistëve është lënë për javën tjetër.