Thaçi dërgon të fala nga Haga, falënderon protestuesit: U bëtë zë i fuqishëm kundër padrejtësisë
Mesazhi u përcoll nga ish-deputeti i PDK-së Abelard Tahiri pas vizitës në Hagë: Thaçi i qetë e i bindur se Apeli do ta korrigjojë vendimin
Ish-presidenti Hashim Thaçi ka dërguar të fala nga Haga për protestuesit që u mblodhën në sheshin e Prishtinës. Mesazhi u përcoll nga ish-deputeti i PDK-së, Abelard Tahiri, pas vizitës së tij të radhës në Hagë, ku u takua me Thaçin.
Tahiri tha në rrjetet sociale se ky udhëtim dallohej nga të tjerët gjatë këtyre gjashtë vjetëve, sidomos pas vendimit të fundit të Gjykatës Speciale, të cilin ai e konsideron të padrejtë.
Sipas Tahirit, Thaçi po e përballon sfidën me qetësi dhe besim të plotë se Apeli do ta korrigjojë vendimin.
Në mesazh, Thaçi i falënderon "secilin prej jush që jeni në sheshin e Prishtinës dhe që u bëtë zëri i fuqishëm kundër padrejtësisë".
Burimi: Klan Kosova
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.