“Thosha çfarë janë këta”, Qafoku: Kalova pranë protestuesve dhe nuk kisha frikë

Gazetari Roland Qafoku tregoi në emisionin Now ne Euronews Albania, përvojën personale nga atmosfera e protestës që po zhvillohet për të 11-ën ditë me radhë në Tiranë.

Teksa theksoi faktin se si gazetar i vjetër ka qenë në shumë protesta ndër vite, Qafoku tregoi se ndjesia që përjetonte teksa kalonte pranë protestuesve në Tiranë ishte gjithçka tjetër veç frikës.

“Dje isha prezent te marshimi nga Zogu i Zi te 21 Dhjetori dhe i kam ndjekur paralelisht. Thosha: ‘Çfarë janë këta?’, sepse instinkti im si gazetar ka qenë gjithmonë që në protestë duhet të jem i kujdesshëm. U mundova të kuptoj çfarë janë këta njerëz që unë kaloj këtu dhe nuk ke frikë.Kam kaluar 3 korrikun e ’90-ës, kur u sulmua KQZ me arme dhe u vra një njeri. Jo, nuk kishte frikë, por më erdhi zor që ishte krijuar perceptimi se kur ka protestë duhet të kesh frikë. Ne jemi gjenerata X, kemi marrë fund. Kjo është protesta e gjeneratës Z”, tha Qafoku.