Thyhet dera e zyrës së OSHEE në Tiranë, grabiten disa kompjuterë

Në orët e para të mëngjesit të sotëm, një vjedhje ka ndodhur në zyrat e Operatorit të Shpërndarjes së Energjisë Elektrike në kryeqytet. Ngjarja ka ndodhur në zyrat e OSHEE-së që ndodhen në rrugën “Ismail Qemali”, ku është thyer dera kryesore dhe më pas janë vjedhur disa kompjuterë të kësaj njësie.

Në vendngjarje është ngritur një grup hetimor i policisë së Tiranës që po punon për identifikimin e autorëve. Ndërkaq mësohet se janë sekuestruar pamjet filmike të kamerave të bizneseve përreth, por deri tani nuk ka ende persona të dyshuar për këtë ngjarje.