“Tifozët na ndihmuan të qarkullonim topin”, Mançini: Kanë mbetur dhe 6 ndeshje deri në finalen e Uemblit
Italia mposhti pastër 3-0 Turqinë në sfidën hapëse të kompeticionit duke marrë tre pikë e para në Grupin A.
Performanca e futbollistëve italian ishte fantastike duke mposhtur turqit si në rezultat ashtu dhe në lojë. Pas ndeshjes, tekniku Roberto Mançini u shfaq i buzëqeshur duke u shprehur se kanë mbetur dhe 6 ndeshje deri në finalen e Uemblit.
”Ne luajtëm një ndeshje të mirë, madje edhe në pjesën e parë ku nuk gjetëm golin. Ishte ndeshja e parë, nuk ishte e lehtë dhe luajtëm kundër një ekipi të mirë. Tifozët na ndihmuan dhe ishte e rëndësishme për ne që ta lëviznim topin shpejt.
Mesazh për skuadrat e tjera? Ishte e rëndësishme ta nisnim mirë, është një kënaqësi e madhe për të gjithë italianët. Shpresoj për shumë mbrëmje si kjo, kanë mbetur vetëm gjashtë ndeshje deri në finalen e Uemblit’’, e mbylli fjalën e tij Mançini.
Italia ndodhet në Grupin A me Zvicrën, Turqinë dhe Uellsin, teksa ‘’azzurret’’ marrin 3 pikë mjaft të vlefshme që në start të kompeticionit.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.