Tirana, fitore me përmbysje në derbi. Hjumën nuk mjafton për Partizanin

Tirana ka arritur një fitore me përmbysje në derbi, 2-1 përballë Partizanit në ndeshjen e javës së 33-të të “Abissnet Superiore”, që erdhi për shikuesit në ekranin e RTSH(RTSH1 dhe RTSH Sport).

Në “Air Albania” pjesa e parë foli për të kuqtë, të cilët arritën të zhbllokojnë sfidën në minutën e 22-të me anë të Hjumën. Në pjesën e dytë, e cila kishte një ritëm mjaft të lartë dhe shumë raste shënimi, bardheblutë u shfaqën dominues duke barazuar rezultatin me Kreshiç 65′ dhe firmosën përmbysjen me një gol të bukur të shënuar nga Alvarez 84′ me goditje dënimi.

Një fitore mjaft e rëndësishme për Tiranën, tri pikë të arta për mbijetesë, që për momentin ndodhet në vendin e 7-të me 35 pikë. Partizani ka harruar të fitojë, ndodhet në vendin e pestë me 45 pikë.

TIRANA-PARTIZANI 2-1

Shënues: Kreshiç 65′, Alvarez 84’/Hjumën 22′

84’ – Goooool, Tirana! Alvarez ka ekzekutuar mjeshtërisht një goditje dënimi duke shënuar në portën e mbrojtur nga Qirko.

81’ – Një goditje dënimi e Partizanit i ka dhënë mundësinë Sembene të godasë me kokë, topi më pas është ndalur nga mbrojtja bardheblu, por duke sjellë protestat e të kuqve, të cilët kanë kërkuar 11-metërsh. Gjithçka është konsideruar e rregullt.

65’ – Goooool, Tirana ka arritur të gjejë golin e barazimit me anë të Kreshiç, i cili ka arritur të godasë saktë me kokë në portën e mbrojtur nga Qirko.

61’ – Rafael gjuan nga distanca, Qirko devijon me shumë vështirësi eviton rrezikun.

60’ – Situata zhvendoset në portën tjetër, me Sidibe që tenton, por Bekaj është në pozicion.

60’ – Rast i rrezikshëm në portën e kuqe, bardheblutë tentojnë dy herë radhazi por ndalen nga Qirko.

54’ – Një tjetër mundësi e mirë për Tiranës pas gabimeve të prapavijës së kuqe, por gjuajtja e Myslovic është neutralizuar nga Qirko.

49’ – Aksion i rrezikshëm i Tiranës, Xhixha ka tentuar në drejtim të portës, por Qirko tregohet i kujdesshëm.

Ka nisur pjesa e dytë mes Tiranës dhe Partizanit.

Mbyllet pjesa e parë…

45’+2 – Haxhiu shfaqet rrezikshëm në zonën bardheblu, por Atanaskoski ka larguar topin në momentin e fundit në goditje këndi.

44’ – Preka shfaqet në zonën bardheblu, por goditja e tij është e gabuar.

35’ – Një gabim i lojtarëve të Partizanit i ka dhënë mundësinë Myslovic të godasë me portën e boshatisur, po pa arritur të gjejë kuadratin.

22’ – Gooool, Hjumën! Partizani ka arritur të zhbllokojë sfidën përballë Tiranës

11’ – Isgandarli tenton me një veprim akrobatik të godasë në drejtim të portës bardheblu, por shkakton faull në sulm

10’ – Haxhiu jep sinjalin e parë në këtë sfidë me një gjuajtje nga distanca, por mjaft e lehtë për portierin Qirko që e kontrollon pa problem

5’ – Tension mes lojtarëve, por gjyqtari i sfidës është mjaftuar me një këshillim.

Ka nisur derbi në “Air Albania”, ai mes Tiranës dhe Partizanit, i vlefshëm për javën e 33-të të “Abissnet Superiore”.

Tirana: Bekaj, Vera, Ndong, Halili, Kreshiç, Rafael, Mysloviç, Kobiljar, Haxhiu, Xhixha, Tabeku. Trajner: Shehi

Partizani: Qirko, Preka, Sembene, Atanaskoski, Murataj, Qaka, Dumbia, Hjumën, Isgandarli, Sidibe, Kontreras. Trajner: Kërnaja