Tiranë, grabitet një mjet i blinduar. Autorët i vënë flakën automjetit të tyre

Persona të paidentifikuar, të maskuar dhe me armë zjarri kanë grabitur mesditën e të enjtes një automjet të blinduar të një kompanie private sigurie, në dalje të Kasharit.

Burime paraprake të policisë bëjnë me dije se dyshohet se këta persona kanë gjuajtur me armë zjarri, pasi në vendngjarje konstatohen gëzhoja.

Në vendngjarje është djegur edhe një mjet, që dyshohet të jetë i autorëve. Policia po punon për zbardhjen e plotë të ngjarjes dhe kapjen e autorëve.