Tragjedi në aeroportin e Bolonjës, shqiptari ndërron jetë pas uljes së avionit nga Tirana
Një 85-vjeçar shqiptar ka ndërruar jetë në Aeroportin Marconi të Bolonjës, pasi pësoi një arrest kardiak menjëherë pas uljes së avionit.
Ngjarja ndodhi në orët e para të 16 gushtit, pas mbërritjes së një fluturimi nga Tirana. Sipas raportimeve, 85-vjeçari po udhëtonte së bashku me familjarët dhe kishte probleme shëndetësore të mëparshme.
Menjëherë pas zbarkimit, burri kërkoi ndihmë mjekësore, por gjendja e tij u përkeqësua dhe pësoi arrest kardiak. Ekipet e urgjencës 118 u njoftuan dhe mbërritën menjëherë në aeroport, ndërsa në vendngjarje ndërhyri edhe Policia e Shtetit.
Pavarësisht përpjekjeve për ta shpëtuar, 85-vjeçari nuk mundi të mbijetonte. Ngjarja po trajtohet si një vdekje për shkaqe natyrore, ndërsa detajet e plota pritet të sqarohen nga autoritetet.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.