Tensione në protestë, policia shoqëron disa persona, protestuesit tentojnë të bllokojnë furgonin

Një incident është shënuar këtë të mërkurë pasdite gjatë protestës, ku efektivët e policisë kanë shoqëruar disa persona me një furgon policie. Në momentin që furgoni është përpjekur të largohet, protestues të tjerë kanë tentuar t’i bllokojnë rrugën për të penguar marrjen e personave të shoqëruar.

Sipas burimeve në furgon ishin dy aktivistët Edison Lika dhe Dritan Goxhaj, të cilët, nuk pranuan të merrnin fletën e gjobës për tubimin e sotëm.

Sipas të njëjtave burime, dy aktivistët u kanë treguar efektivëve lejen për zhvillimin e protestës para Kryeministrisë, por kjo nuk e ka penguar shoqërimin e tyre.

Gjatë përpjekjeve për të ndaluar furgonin është regjistruar edhe një konfrontim fizik mes efektivëve të policisë dhe disa protestuesve. Pavarësisht tentativave të përsëritura të protestuesve për të penguar largimin e tij, në fund furgoni i policisë ka mundur të largohet.