Tragjedi në Gjermani, rrëzohet avioni i vogël, humbin jetën tre persona

Tre persona humbën jetën sot kur një aeroplan i vogël u rrëzua në një fushë pranë Gerderat, pranë Erkelenz në shtetin gjerman të North Rhine-Westphalia. Avioni Cessna 172 u ngrit në mëngjes nga zona në veri të Utrecht në Holandë, pas së cilës hyri në hapësirën ajrore gjermane pranë autostradës A52, raporton Bild.

Rreth orës 11:20 të paradites, avioni u rrëzua në tokë bujqësore për arsye të panjohura. Aeroplani u shkatërrua plotësisht dhe policia konfirmoi se në të ndodheshin tre persona dhe se të tre u vranë.Identiteti i viktimave nuk është bërë ende i ditur. Shkaku i aksidentit nuk dihet ende dhe do të përcaktohet nga hetimi.

Pranë vendit të aksidentit, në një distancë prej rreth dhjetë kilometrash, ndodhet një aeroport i vogël Erkelenz-Kikhoven.