Tuchel e la jashtë Botërorit, në Angli shpërthejnë për Trent Alexander-Arnold: “E pabesueshme, çmenduri…”

Trent Alexander-Arnold mori një vendim të guximshëm një vit më parë, u largua nga Liverpool, klubi i zemrës, për t’iu bashkuar Real Madridit. Një zgjedhje e madhe, por deri tani aventura në Spanjë nuk ka shkuar sipas pritshmërive.

Mbrojtësi anglez nuk fitoi asnjë trofe në sezonin e tij të parë me madrilenët, nuk arriti formën më të mirë dhe u përball me shumë kritika. Megjithatë, fundi i sezonit ishte pozitiv dhe shumë prisnin që ai të ishte pjesë e Anglisë për Botërorin 2026.

Gjithsesi, Thomas Tuchel e la jashtë listës finale, vendim që ka shkaktuar debat të madh në Angli. Kyle Walker nuk e fshehu habinë në “talkSport”: “Që një lojtar i Real Madridit të mos jetë pjesë e kombëtares së Anglisë është diçka e padëgjuar. Të gjithë flasin për atë që Trent nuk po bën mirë. Ju sugjeroj të flisni edhe për atë që bën shumë mirë. Ndoshta është mbrojtësi i djathtë më i mirë në botë për pasime, krosime dhe asiste. Faktin që nuk është në listë e konsideroj çmenduri”.