Turqi, arrestohen 18 policë për përgjime ndaj Erdoganit

Autoritetet turke kanë nisur një operacion të ri për arrestimin e zyrtarëve të lartë policorë, të dyshuar për përgjime në mënyrë të paligjshme të politikanëve.

Në qendër të vëmendjes së këtij operacioni janë 18 zyrtarë të policisë në Ankara, duke përfshirë ish-kreun e Shërbimit Kombëtar të Zbulimit, Omar Altiparmak, si dhe ish-zëvendësin e shefit të policisë në Ankara, Lokman Krcil, transmeton Telegrafi.

Ky është aksioni i pestë i tillë që nga muaji korrik, ku dhjetëra ish-policë u arrestuan.

Këtë operacion, presidenti turk, Recep Tayyip Erdogan e ka karakterizuar si një luftë kundër “shtetit paralel” në kuadër të forcave të sigurisë, besnike të ish-aleatit të tij, ish-imamit Fetah Gulen, i cili gjendet në mërgim në Shtetet e Bashkuara të Amerikës.

Operacioni është lidhur me akuzat për korrupsion që kishin dal në fund të vitit të kaluar kundër Erdoganit, si dhe bashkëpunëtorëve të tij të ngushtë, të cilat u bazuan në përgjime.

Ndërsa javë më parë, kujtojmë se prokurorët turk hodhën poshtë akuzat ndaj më shumë se 50 personave, duke përfshirë edhe dy bijtë e ish-ministrave, të cilët ishin akuzuar për korrupsion në bazë të përgjimeve.