UASHINGTON – Xi: Kina dhe SHB duhet të eksplorojnë një model të ri bashkëjetese mes dy kombeve

UASHINGTON, 25 shtator /ATSH-ANSA/ – Presidenti amerikan Donald Trump, priti Presidentin e Kinës, Xi Jinping, në Shtëpinë e Bardhë për një darkë shtetërore luksoze, ku të dy udhëheqësit përshëndetën një kapitull të ri në miqësinë e tyre.

Në darkë morën pjesë liderë biznesi miliarderë, zyrtarë të administratës Trump, drejtorë ekzekutivë të kompanive të teknologjisë amerikane dhe të tjerë.

Trump dhe Xi lavdëruan njëri-tjetrin, duke u zotuar të vazhdojnë bisedimet për të siguruar stabilitet midis dy kombeve të tyre. Por ekspertët thonë se deri më tani nuk është arritur shumë konkrete në bisedime.

”Unë dhe Presidenti Trump zhvilluam diskutime të hapura dhe të thelluara, duke arritur një mirëkuptim të përbashkët për shumë çështje”, deklaroi presidenti kinez Xi Jinping.

”Këto bisedime e kanë pasuruar me përmbajtje të re marrëdhënien konstruktive dhe stabilitetin strategjik midis Kinës dhe Shteteve të Bashkuara, duke ofruar gjithashtu një drejtim të ri strategjik për marrëdhëniet tona”, theksoi ai.

“Kina dhe SHBA-ja duhet të veprojnë si fuqi të mëdha e të përgjegjshme: duke përmbushur pritshmëritë e popujve të tyre përkatës, duke ecur në hap me kohën dhe duke eksploruar një model të ri bashkëjetese midis kombeve të mëdha”, shtoi Xi.